د امریکایي ولسمشر ډونلډ ټرمپ حکومت د پاکستان په ګډون د ۴۳ هېوادونو پر وګړو د سفري بندیزونو لګولو په اړه غور کوي.
دا وړاندیز د امنیتي تدابیرو په چوکاټ کې مطرح شوی، چې هدف یې د هغو هېوادونو وګړي دي چې د امریکا د ملي امنیت لپاره خطر ګڼل کیږي. د دې بندیزونو په اړه لا هم رسمي اعلان نه دی شوی، خو د دې پروسې په اړه بحثونه روان دي.
د امریکا حکومت د خپلو امنیتي تګلارو په برخه کې د سختو اقداماتو په لټه کې دی، چې د نړیوالو ترهګرو او خطرناکو فعالیتونو مخه ونیسي. دا بندیزونه به د هغو هېوادونو وګړو ته چې د امریکا د ویزې غوښتنه کوي، د سفر کولو په پروسه کې خنډونه رامنځته کړي.